Anësori i Villarrealit, Samuel Chukwueze, beson se presioni do të jetë mbi Liverpoolin kur të dy skuadrat të përballen në ndeshjen e parë gjysmëfinale të Ligës së Kampionëve të mërkurën në Anfield.
Skuadra spanjolle eliminoi Bayern Munichun në çerek-finale për t’u kaluar në katërshen e fundit, dhe pavarësisht se pranoi se ‘Reds’ vijnë në ndeshje si favoritë, ndërkombëtari nigerian këmbëngul se ‘Nëndetësja e Verdhë’ do të kërkojë kalimin në finale.
“Ne dimë gjithçka për Liverpool-in dhe ata pritet të fitojnë, kështu që presioni është mbi ta”, tha Chukwueze, cituar nga BBC Sport Africa.
“Ne kemi një skuadër dhe një trajner mjaft të mirë për të konkurruar kundër çdo skuadre në botë. Për shkak të mënyrës se si luan Liverpool, disa njerëz kanë bërë tashmë parashikimet e tyre, por kjo është normale në futboll.
“Ne kemi një punë për të bërë dhe nuk do të shkojmë në Liverpool për të humbur. Pse të mos synojmë për rezultatin më të mirë atje? Dhe kjo është ajo që ne shpresojmë të bëjmë“, u shpreh nigeriani.
Pasi fitoi ndeshjen e parë të çerekfinales kundër Bayern Munich në shtëpi me një gol të vetëm, Villarreal mbajti kampionët e sapokurorëzuar të Bundesligës në një barazim 1-1 në ndeshjen e dytë për t’u avancuar.
Ishte 22-vjeçari afrikano-perëndimor ai që shënoi golin e barazimit dhe ai ka komentuar atë natë të paharrueshme.
“Unë hyra si zëvendësues vonë dhe shënova një fitues që nuk do ta harroj kurrë në jetën time,” vazhdoi Chukwueze.
“Sinqerisht nuk e keni idenë se sa do të thoshte për lojtarët, klubin, tifozët tanë dhe qytetin.
“Gjithçka ndodhi kaq shpejt. Shokët e mi të skuadrës vazhduan të bërtisnin “Samu!” dhe nuk arrita ta përpunoja në atë moment. Dhe sinqerisht, nuk munda ta mbaja veten. I shikova tifozët tanë dhe sapo i pashë me lot gëzimi, e kuptova plotësisht ndikimin e atij goli.
“Shpresoj të shkruaj kapituj më të rëndësishëm në karrierën time me Villarrealin. Kam më shumë ndeshje për të luajtur dhe lavdia personale nuk është objektivi”, përfundoi ai.
Manchester City do të luajë kundër Real Madridit në gjysmëfinalen tjetër të planifikuar për të martën në mbrëmje.
