Policia ka arrestuar një burrë që tentoi të rrëmbejë arkivolin e Mbretëreshës. Oficerët e ulën burrin përtokë gjatë incidentit, i cili ndodhi rreth orës 22:00 në Westminster Hall të premten.
Ai shtyu me forcë njerëzit që ishin në rradhë për të kryer homazhet dhe kur arriti atje u përpoq të ngrinte arkivolin e Mbretëreshës.
Pamjet para dhe pas incidentit tregojnë se arkivoli mbretëror dhe flamuri zyrtar i sovranes ishte zhvendosur.
Qindra mijëra persona mendohet se kanë kaluar nëpër sallë në dy ditët e fundit, pavarësisht nga radhët që zgjasin deri në 24 orë.
Ata mbetën dukshëm të shokuar gjatë incidentit të së premtes mbrëma, që ndodhi vetëm disa orë pasi Mbreti Charles dhe familja e tij mbajtën një vigjilje për nder të Mbretëreshës.
Krahas vëllezërve dhe motrave Anne, Andreë dhe Edëard, monarku i sapokurorëzuar qëndronte roje pranë arkivolit të nënës së tij.
Mbrëmë, një dëshmitar që pa incidentin tregoi se çfarë ndodhi ato momente.
“Ne e pamë atë (burrin) në radhë që nga fillimi i radhës dhe gjatë gjithë ditës, ai ishte vetëm.
Kur u futëm në dhomë ishim në krye të shkallëve kur pamë incidentin. Një zonjë bërtiti ndërsa rojet e ndaluan atë me shpejtësi,” tha ai.
