image Burri në Mamushë i bën për spital gruan dhe vajzën, ato thonë se nuk ndihen të rrezikuara nga ai

Siguri

Burri në Mamushë i bën për spital gruan dhe vajzën, ato thonë se nuk ndihen të rrezikuara nga ai

news image

Një rast i dhunës në familje është raportuar mbrëmë pas mesnate në Mamushë, ku një burrë ka sulmuar fizikisht bashkëshorten dhe vajzën e tyre të mitur.

Burimet e Gazetës Sinjali bëjnë të ditur se gjithçka ka ndodhur si pasojë e një mosmarrëveshjeje mes çiftit, e më pas situata ka eskaluar në dhunë fizike.

Sinjali mëson se gruaja dhe vajza e mitur fillimisht janë dërguar në Qendrën e Mjekësisë Familjare  e më pas në Emergjencën e Spitalit në Prizren për trajtim të mëtutjeshëm mjekësor.

Lidhur me rastin është njoftuar prokurori i shtetit, i cili ka sugjeruar që rasti të procedohet në procedurë të rregullt, pasi që viktimat kanë deklaruar se nuk ndihen të rrezikuara nga i dyshuari.

/GazetaSinjali/