image Burri në Kamenicë terrorizon fëmijët: Rrah brutalisht gruan, e kërcënon se do ta mbys

Siguri

Burri në Kamenicë terrorizon fëmijët: Rrah brutalisht gruan, e kërcënon se do ta mbys

news image

Dhuna në familjet kosovare s’ka të ndalur. Gratë po vazhdojnë të sulmohen pamëshirshëm nga burrat, ndaj të cilëve jo çdo herë po merren masat e duhura të sigurisë.

Një rast i tillë ka ndodhur edhe sot në një familje në Kamenicë. Pas një mosmarrëveshje, një burrë ka sulmuar brutalisht gruan e tij, në sy të fëmijëve.

Burimet e Sinjalit brenda Prokurorisë kanë dhënë detaje lidhur me këtë ngjarje.

Sipas të njëjtave burime, i dyshuari e ka sulmuar fizikisht bashkëshorten, duke e goditur me shuplaka në fytyrë e shqelma.

Për të mos mbaruar me kaq, ai e ka kërcënuar të njëjtën se do ta mbyste, duke i terrorizuar fëmijët që ndodheshin në dhomën ku ndodhi ngjarja.

Pas denoncimit të rastit, prokurori kujdestar ka lëshuar urdhër që i dyshuari të ndalohet për 48 orë dhe ndaj tij të hapet rasti “dhunë në familje”.

Ndaj të njëjtit, burimet e Sinjalit kanë njoftuar se do të bëhet kallëzim penal, me provat e grumbulluara lidhur me rastin.

Kujtojmë se janë të shumta rastet e dhunës në familje të cilat nuk kanë gjetur mbështetjen e duhur institucionale, si pasojë e së cilës ka ardhur deri te vrasja e grave.

/GazetaSinjali/