image Bullgaria gjen 400 kilogramë drogë të transportuar nga Dubai

Botë

Bullgaria gjen 400 kilogramë drogë të transportuar nga Dubai

news image

Autoritetet bullgare njoftuan se kanë konfiskuar rreth 400 kilogramë drogë të llojit heroinë në portin e qytetit Varna.

Droga u gjet e fshehur në një anije që udhëtonte nga Dubai. Anija transportonte materiale ndërtimi nga Irani, raporton DPA.

Vlera e drogës së konfiskuar arrin në rreth 22 milionë dollarë. Ngarkesa ishte e destinuar për një kompani bullgare. Policia ka arrestuar pronarin e kompanisë dhe gjithashtu një polic të doganës.

Ata mund të dënohen deri në 15 vjet burgim.

Bullgaria gjendet në të ashtuquajturën Rruga Ballkanike e trafikut të drogës, e cila përdoret nga grupet kriminale për të furnizuar Perëndimin me drogë nga Azia dhe Lindja e Mesme./Gazeta Sinjali/