Britania e Madhe me kryeministrin Johnson është nga shtetet kryesore që ka përkrahur në mënyrë të hapur luftën e ukrainasve përballë agresionit rus.
Kryeministri britanik Boris Johnson i tha presidentit ukrainas Volodymyr Zelenskiy se do të punonte me aleatët ndërkombëtarë për të marrë më shumë pajisje ushtarake mbrojtëse për të ndihmuar në konfliktin në Ukrainë, shkruan The Guardian.
“Udhëheqësit diskutuan nevojat urgjente të Forcave të Armatosura të Ukrainës dhe kryeministri u zotua të punojë me partnerët për të siguruar pajisje të mëtejshme mbrojtëse”, thuhet në një lexim të një telefonate mes dy liderëve të ofruar nga zyra e Johnson.
