Zëvendëskryeministri i Kosovës, Besnik Bislimi ka vlerësuar raportin nga Banka Evropiane për Rindërtim dhe Zhvillim (BERZH) pasi e ka gjetur Kosovën si vendin me rritjen ekonomike më të lartë në rajon.
Nëpërmjet një postimi në Twitter, Bislimi ka shkruar se raporti i fundit nga ‘BERZH’ nuk është një rastësi dhe parashikon që ky trend të vazhdojë edhe në të ardhmen e afërt.
Sipas tij, këto rezultate po vijnë pasi trajektorja në të cilët ata kanë punuar, ka qenë e duhura.
Postimi i plotë:
Së fundmi, BERZH e gjeti Kosovën si vendin me rritjen ekonomike më të lartë në rajon për vitin 2023. Ajo parashikon që ky trend të vazhdojë edhe në të ardhmen e afërt. Banka Botërore dhe FMN e kanë vlerësuar gjithashtu vendin tonë për rritjen ekonomike dhe trendin pozitiv.
Këto rezultate nuk janë të rastësishme. Trajektorja në të cilën e kemi drejtuar vendin është ajo e duhura, ku do të shohim përfitimet në vitet në vijim. Qëllimi ynë është që kjo rritje të jetë e qëndrueshme. Të zvogëlohen pabarazitë dhe të ketë shpërndarje të barabartë për të gjithë qytetarët.
Recently, the EBRD found Kosova as the country with the highest economic growth in the region for 2023. It predicts that this trend will continue in the near future. The World Bank & the IMF have also evaluated our country for its economic growth and positive trend. pic.twitter.com/A9R4IOy1SS
— Besnik Bislimi (@BislimiBesnik) May 18, 2023
