Zëvendëskryeministri i Kosovës, Besnik Bislimi ka përkujtuar 25-vjetorin e rënies heroike të familjes Jashari.
Bislimi ka shkruar se Jasharët i vunë gurët e themelit të shtetit dhe tani detyrë e jonë është që të ngremë muret e Kosovës si vend i qytetëruar e demokratik.
Ndër të tjerash, ai ka thënë se Qeveria e Kosovës po përkujdeset që të ketë një program të begatë dhe të denjë aktivitetesh përkujtimore.
Postimi i plotë:
Jasharët i vunë gurët e themelit të shtetit e ne që vijmë më pas e kemi për detyrë të ngremë muret e Kosovës si vend i qytetëruar, demokratik e punëtor, ku avancon kultura dhe ekonomia.
Në këtë 25 vjetor, Qeveria e Republikës së Kosovës po vazhdon të përkujdeset që të kemi një program të begatë dhe të denjë aktivitetesh përkujtimore.
Sepse rezistencën e Jasharve në Prekaz dhe Epopenë e UÇK-së, do t’i kujtojmë përjetë.
Lavdi për Kryekomandantin Adem Jashari dhe të gjithë të rënët më 5, 6 dhe 7 mars 1998.
