Kompania BioNTech ka bërë të ditur sot se sasia e porosive do të ndikojë në çmimin e vaksinës së saj potenciale COVID-19 në botën e zhvilluar, transmeton Gazeta Sinjali.

“Çmimi për SHBA për 100 milionë dozat e para është 19,50 dollarë për dozë”, tha kryeshefi i strategjisë i BioNTech, Ryan Richardson pas publikimit të rezultateve të tremujorit të tretë të martën.

Ai po i referohej marrëveshjes të arritur në korrik nga partneri Pfizer, me qeverinë amerikane për furnizimin e vaksinës.

“Ju mund të mendoni për këtë si një pikë referimi për mënyrën se si do ta çmonim vaksinën në botën e zhvilluar për vëllime të ngjashme”, tha Richardson, raporton Reuters. /Gazeta Sinjali/