Beyonce Knowles-Carter, e njohur ndryshe si diva e muzikës pop, r&b dhe hip hop, së fundmi është shfaqur e veshur me një fustan të punuar nga dy stilistët e njohur shqiptarë Kujta dhe Meri.

Artistja e njohur amerikane u shfaq e veshur me këtë fustan në datëlindjen e 50-të të rep-artistit amerikan Diddy, transmeton Gazeta Sinjali.

Beyonce solli një shkëlqim të vjetër të Hollywood-it me një fustan të zi, që në dekolte shkëlqente nga gurët e punuar në formë gjetheje.

Kujta dhe Meri janë dy stilistë të njohur shqiptarë me seli në Prishtinë, por që falë punës së tyre njihen edhe ndërkombtarisht. Që janë të zot në punën që bëjnë, e ka vërtetuar lehtë zgjedhja e Beyonces.

Të pranishëm në datëlindjen e Diddyt ishin edhe fytyra të tjera të njohura si: Kanye West, Kim Kardashian, Cardi B, Offset, Pharrell Williams, Tyga. Meek Mill e shumë të tjerë./Gazeta Sinjali/