Vajza e heroit, Hamëz Jashari, Besarta Jashari, ka bërë një shkrim emocionues në 23-vjetorin e vdekjes së familjes së saj nga forcat serbe, shkruan Gazeta Sinjali.

Përmes një fotografie nga ceremonia e ndezjes së zjarreve, Jashari tha ky zjarr është i veçantë pasi që i ndriçon të ardhmen popullit të Kosovës.

“E kush synon të na rrezikoj këtë LIRI, ky zjarr është përgjigjja“, shkroi ndër të tjera ajo.

Postimi i plotë:

Do të ishte e rëndomtë…

edhe nata,

edhe zjarri,

do të ishin të rëndomta sonte…

edhe muaji Mars, do të ishte i rëndomtë…

edhe unë do të isha e zakonshme, thjeshtë një Besartë !

…

Çdo gjë do të ishte e rëndomtë, pa aktin unik të vetëflijimit për LIRI të familjes tonë.

Andaj,

ky muaj dhe kjo natë, janë të veçanta…

edhe ky zjarr është i veçantë, duke na ndriçuar neve të ardhmen,

e kush synon të na rrezikoj këtë LIRI, ky zjarr është përgjigjja !

…

Gëzuar Epopeja e Ushtrisë Çlirimtare e Kosovës

E juaja,

Besarta Hamëz Jashari./Gazeta Sinjali/