Presidenti i Shqipërisë, Bajram Begaj, ka uruar Shaip Kamberin për rizgjedhjen deputet në Parlamentin e Serbisë.
Begaj, theksoi se mbështetja nga ana e Shqipërisë nuk do t’i mungojë, teksa shtoi urimin e tij për kontributin e Kamberit në shërbim të të gjithë shqiptarëve atje.
“Urime Shaip Kamberi për rizgjedhjen në Parlamentin e ri të Serbisë. Uroj që roli dhe kontributi juaj të vijojë t’i shërbejë të gjithë shqiptarëve të Luginës së Preshevës, për adresimin e të drejtave të tyre legjitime. Mbështetja e Shqipërisë nuk do të mungojë! Suksese!””, shkroi Begaj.
