Bashkimi Evropian i ka ndarë 63 milionë euro për Kosovën si pako për rimëkëmbjen ekonomike pas përhapjes së pandemisë së koronavirusit.

Këtë e ka bërë të ditur kryetari i Odës Ekonomike të Kosovës, Berat Rukiqi, i cili ka thënë se nga këto fonde duhet të bëhen më shumë investime në sektorin privat.

“Edhe një lajm pozitiv nga BE. 63 milionë euro për rimëkëmbjen ekonomike. Por nuk mjaftojnë. Duhet edhe riprogramim i fondeve te IPA-së. Me pak asistencë teknike nga këto fonde, e më shumë investime në projektet e sektorit privat”, ka shkruar ai në rrjetin social Facebook.

Bashkimi Europian po ashtu gjatë ditës së djeshme ka ndarë 5 milionë euro për Kosovën për ta luftuar koronavirusin./Gazeta Sinjali/