Presidentja e Bashkimit Evropian, Ursula von der Leyen ka nënshkruar një kontratë të re me kompaninë farmaceutike “Moderna”, lidhur me sigurimin e vaksinës kundër koronavirusit, shkruan Gazeta Sinjali.
Lajmin e ka bërë të ditur vetë presidentja der Leyen përmes një postimi në Twitter e cila tha se nesër do të aprovohet kontrata e 6-të lidhur me këtë vaksinë.
Kjo kompani amerikane do të sigurojë 160 milionë doza të vaksinës që ende nuk ka dalë në treg.
Marrëveshja BE-“Moderna” do të zyrtarizohet nesër.
Marrëveshja vjen pak orë pasi Rusia deklaroi se vaksina e saj antiCOVID, “Sputnik V”, ka një efikasitet prej 95% dhe kushton për tregun ndërkombëtar më pak se 10 dollarë për të dyja dozat.
