Kryetari i Komunës së Deçanit, Bashkim Ramosaj do t’i prijë degës së AAK-së në komunën e tij për 4 vitet e ardhshme.
Ramosaj lajmin e bëri të ditur përmes një postimi në Facebook, ku shprehu falënderimet e tij për zgjedhjen kryetar i kësaj dege.
“Falënderim të veçantë për liderin tonë, kryetarin e Aleancës për Ardhmërinë e Kosovës z.Ramush Haradinaj, që na nderoj me prezencën e tij sot. Falënderoj të gjithë delegatët për mbështetjen dhe besimin që më dhatë, që për 4 vitet e ardhshme të jem kryetar i degës së AAK-së në Deçan.”
“Ju uroj suksese të gjithë anëtarëve të Këshillit Drejtues që u përzgjodhen sot. Vazhdojmë bashkë për Deçanin. Na prift e mbara”, ka shkruar Ramosaj.
