Administrata Tatimore e Kosovës ka njoftuar tatimpaguesit që kanë obligime të papaguara se mund të përfitojnë nga falja e interesit, raporton Gazeta Sinjali.
ATK ka njoftuar se se tatimpaguesit mund të përfitojnë nga falja e interesit, me kusht që të kryejnë pagesën e plotë të tatimit bazë deri më 31 Dhjetor 2020.
Njoftim për tatimpagues
????Paguaj tatimin bazë, përfito nga shlyerja e interesit
Administrata Tatimore e Kosovës, ju njofton se me hyrjen në fuqi të Ligjit Nr.07/L-016 për Rimëkëmbjen Ekonomike – COVID 19, tatimpaguesit që kanë obligime të papaguara ndaj ATK-së, mund të përfitojnë nga falja e interesit.
Të gjithë personat fizikë dhe juridikë, të cilët kanë obligime tatimore të papaguara ndaj ATK-së për periudhat Janar/2020 deri Dhjetor/2020, mund të përfitojnë nga falja e interesit, me kusht që të njëjtit, për periudhat e lartcekura, të kryejnë pagesën e plotë të tatimit bazë (kryegjësë) deri më 31 Dhjetor 2020.
Vetëm tatimpaguesit të cilët shfrytëzojnë këtë mundësi dhe përmbushin detyrimin e kërkuar brenda periudhës ligjore deri me 31 Dhjetor 2020, do të përfitojnë nga falja e interesit.
