“Në kuadër të dashurisë”, filmi i parë i Top Channel Films, pati transmetimin në Pallatin e Kongreseve mbrëmjen e djeshme , ku një numër i lartë qytetarësh shikuan me padurim startimin e filmit me protagonistë kryesorë Luiz Ejlli dhe Olta Gixhari.
Një numër i lartë adhuruesish të aktorëve po ashtu u mblodhën në ambientet e pritjes, teksa shumë të emocionuar po presnin të takojnë dhe realizojnë foto me aktorin e tyre të preferuar.
Sara Hoxha e cila në prodhimin kinematografik luan rolin e Arias, pas mbërritjes në organizim zbuloi më shumë detaje nga prapaskenat e xhirimit.
Ajo u shpreh se me personazhin që luan në film ka ngjashmëri në karakter, për këtë arsye nuk e ka pasur të vështirë. “I vetmi problem që ka pasur kanë qenë kamerat e xhirimit”, kështu u shpreh aktorja.
Ndërsa Jori Delli, e cila luan si vajza e aeroportit ka zbuluar disa detaje nga filmi.
Jori u shpreh se ajo është lidhja mes fillimit dhe përfundimit të filmit, që shërben si element për një part 2.
“Pjesa finale e filmit është lidhja… Pra ashtu sikurse fillon, ashtu edhe mbaron filmi, kështu që kapitulli i fundit mund të japë hapsirë për një pjesë të dytë. Nuk di nëse mund të jap më shumë spoilera”- tha Jori.
Në atë moment ka ndërhyrë DeaMishel, e cila tha: “Dua ta shpëtoj përpara se të bëjë ndonjë spoiler dhe të hajë ndonjë gjobë.”
DeaMishel ka zbuluar për herë të parë për eksperiencën e saj në një film me metrazh të gjatë.
“Jam kënaqur shumë gjatë xhirimeve. Ishte një skuadër shumë profesionale. Skenat e mija janë me Oltën. Unë jam shoqja e Oltës në film ashtu sikurse në jetën reale. Kështu, mezi po pres ta shohim sepse edhe unë nuk e kam parë dhe kam shumë emocione”, tha DeaMishel.
E pyetur rreth personazhit të saj në film, DeaMishel zbuloi se ajo si shoqja e ngushtë e Oltës e ndihmon atë të kalojë ndarjen.
DeaMishel: Unë e ndihmoj Jonidën (e luajtur nga Olta Gixhari) të kalojë ndarjen. Unë jam ajo shoqja që i mëson se çfarë janë ato gjërat përtej një marrëdhënie në çift.
