Policia e Kosovës dje ka arrestuar një person rreth orës 22:00, në fshatin Kabash të Vitisë, shkruan Gazeta Sinjali.
Sinjali mëson se arrestimi është bërë në lokalin e personit të lartcekur, pasi njësitet policore kanë hasur në disa persona të dyshuar që kanë qenë duke luajtur letra bixhozi me qipa pokeri e po ashtu edhe me para.
Burimet e Sinjalit brenda Policisë bëjnë të ditur se në vendin e ngjarjes janë gjetur dhe konfiskuar rreth 750 qipa të pokerit dhe rreth 15 komplete letra të bixhozit.
Të njëjta burime bëjnë të të ditur se i dyshuari është dërguar në mbajtje.
