Policia e Kosovës sot në orët e mëngjesit ka ndaluar një veturë për kontroll në rrugën “Enver Maloku” në Prishtinë, shkruan Gazeta Sinjali.
Pas verifikimit të personit që gjendej brenda në veturë, ka rezultuar se i njëjti është në stop listë dhe ka urdhëresë aktive ndaj tij.
Kështu kanë bërë të ditur burimet e Sinjalit brenda Prokurorisë, të cilat njoftuan se personi që u arrestua është Shpend Hasani 29-vjeçar.
Pas arrestimit i njëjti është dërguar në Stacionin Policor “Jugu” dhe më pas është transferuar në qendrën e paraburgimit në burgun e Smrekonicës në Vushtrri.
