Gazeta Sinjali sot ka raportuar për një incident të ndodhur gjatë ditës së diel në Komunën e Prizrenit, e që dyshohet se eskaloi në sulm pasi një qytetar prizrenas vendosi një flamur në një autobus me tabela të Serbisë që u ndal te Ura e Arastës.
Sipas burimeve të Sinjalit, gjithçka nisi pasi vizitorët serbë zbritën nga autobusi me tabela të Vranës, kur një qytetar i Prizrenit u afrua dhe vendosi një flamur me mbishkrimin ‘UÇK’.
Pas kësaj, një prift serb dyshohet se doli te autobusi, ku ndodhej edhe i dyshuari, por ky i fundit e ka kapur për krahu dhe e ka larguar.
Posa rasti është raportuar në Polici, njësitet përkatëse kanë intervenuar, ndërkohë që pas ndërmarrjes së veprimeve të nevojshme, i dyshuari është prangosur.
Për ndërhyrjen e Policisë së Kosovës në këtë rast ka reaguar ambasadori i Gjermanisë në Kosovë, Jorn Rohde, duke i falënderuar “për ndërhyrjen e shpejtë” së bashku me qytetarët e Kosovës.
“Faleminderit për ndërhyrjen e shpejtë të qytetarëve kosovarë dhe Policisë së Kosovës kur një prift i Kishës Ortodokse Serbe u sulmua fizikisht dje në Prizren. Ky guxim civil meriton duartrokitje!”, deklaroi Rohde në rrjetin social “X”.
Thankful for the quick intervention of Kosovar citizens and @Kosovo_Police when a priest of the Serbian Orthodox Church was physically attacked yesterday in Prizren. This civil courage deserves applause!👏🏽https://t.co/qlLQ3QVj9D
— Ambassador Jörn Rohde (@GermanAmbKOS) February 26, 2024
Me urdhër të Prokurorit të Shtetit, i njëjti është dërguar në mbajte për 48 orë dhe ndaj tij është inicicuar rasti “Sulm”.
