Në fshatin Llapushnik të Drenasit, Policia ka ndaluar një skuter me ngjyrë të zezë, në të cilin ishin dy persona. Pas kontrollës policore, shoferit të skuterit i është gjetur një qese e vogël me substancë narkotike e llojit marihuanë (1.3 gramë) dhe një kapelë e zezë në formë të maskës.
Burimet e Gazetës Sinjali bëjnë me dije, se që të dy janë shoqëruar në Polici dhe janë konfiskuar substanca narkotike dhe kapela.
Në lidhje me rastin është njoftuar Njësia e Antidrogës dhe me vendim të prokurorit kujdestar ndaj tyre është iniciuar rasti “Posedim i paautorizuar i narkotikëve, substancave psikotrope dhe analoge”.
