image Arratisja më e famshme nga burgu - Sinjali

Arratisja më e famshme nga burgu

news image

I vendosur në një ishull të vetmuar në mes të Gjirit të San Franciskos, Alcatraz – i njohur ndryshe si “The Rock” – kishte mbajtur robër që nga Lufta Civile. Por ishte në vitin 1934, kulmi i një lufte të madhe kundër krimit, që Alkatraz u rifortifikuar në burgun më të sigurt në botë.

Të burgosurit e tij eventual përfshinin armiq të rrezikshëm publik si Al Capone dhe George “Machine Gun” Kelly, kriminelë që kishin një histori arratisjesh.

Në vitet 1930, Alcatraz ishte tashmë një vend i ndaluar, i rrethuar nga ujërat e ftohtë dhe të ashpër të Paqësorit. Ridizajnimi përfshinte shufra hekuri më të ashpra, një sërë kullash roje të pozicionuara në mënyrë strategjike dhe rregulla strikte, duke përfshirë një duzinë kontrolle në ditë të të burgosurve.

Ikja dukej pothuajse e pamundur.

Pavarësisht nga shanset, nga viti 1934 deri në mbylljen e burgut në 1963, 36 burra provuan 14 arratisje të veçanta. Pothuajse të gjithë u kapën ose nuk i mbijetuan përpjekjes.

Fati i tre të burgosurve, megjithatë, mbetet një mister edhe sot e kësaj dite.

Kjo është historia e tyre.

Frank Morris mbërriti në Alkatraz në janar 1960. Më vonë atë vit, një i dënuar me emrin John Anglin u dërgua në Alkatraz, i ndjekur nga vëllai i tij Clarence në fillim të vitit 1961. Të tre e njihnin njëri-tjetrin nga periudhat e mëparshme në burg.

Të caktuar në qelitë ngjitur, ata filluan të hartonin një plan për t’u arratisur. Morris, i njohur për inteligjencën e tij, mori drejtimin në planifikim. Ata u ndihmuan nga një i burgosur tjetër, Allen West.

Më 12 qershor 1962, çka u nisë si kontrollë rutinë, doli që nuk ishte ashtu. Tre të dënuar nuk ishin në qelitë e tyre: John Anglin, vëllai i tij Clarence dhe Frank Morris.

Në shtretërit e tyre ishin ndërtuar koka të bëra me suva, bojë në ngjyrë mishi dhe flokë të vërteta që me sa duket mjaftuan për t’i mashtruar rojet e natës. Burgu u mbyll dhe filloi një kërkim intensiv.

Ata u arratisën përms gypave të ventilimit, duke u ngjitur në çatinë e burgut, e pastaj nga aty janë futur në ujë. Fati i tyre sot e kësaj dite nuk dihet.

/GazetaSinjali/


Shpërndaje artikullin

Etiketat kryesore: