Ish-ministri i Shëndetësisë, Arben Vitia, ka paralajmëruar se Kosova mund të goditet nga një valë e re e COVID-it.
Ai ju ka bërë thirrje qytetarëve të vaksinohen sa më shumë, pasi në rast që vendi goditet nga një valë e re të jetë popullata sa më shumë e vaksinuar.
“Shanset janë të mëdha për një valë të re. Edhe nëse do të ketë valë të re, nëse vaksinohen qytetarët numri i fataliteteve do të jetë shumë më i ulët se në valët e tjera”, ka thënë Vitia në emisionin “Debat Plus” në RTV Dukagjini.
Ministria e Shëndetësisë ka njoftuar sot se 19 qytetarë kanë rezultuar pozitiv me virusin COVID-19, ndërsa asnjë person nuk ka humbur jetën gjatë 24 orëve të fundit.
