Shefi i Grupit Parlament të LDK-së, Arben Gashi ka treguar nevojën e themelimit të komisionit hetimor parlamentar për çështjen e rezervave shtetërore.
Para deputetëve, ai ka thënë se një hetim parlamentar për këtë çështje është i domosdoshëm.
“I paraqesim Kuvendit të Kosovës propozimin për formimin e komisionit hetimor parlamentar lidhur me procedurat për furnizimin dhe menaxhimin e rezervave shtetërore dhe hetimin parlamentar lidhur me keqpërdorimin e mundshme me rezervat shtetërore nëpërmjet kualifikimit të procedurës si sekrete shtetërore për r furnizime të tilla”, ka thënë Gashi.
Sipas tij, hetimi i tillë duhet të ndodh.
“Ne deputet nënshkrues e konsiderojmë se është e domosdoshme që te kemi hetim parlament për të parë nga afër se sa janë respektuar ligjet dhe procedurat për çështje të rezervave shtetërore si dhe te propozojmë hetimin e çështjeve duke mos u kufizuar vetëm në çështjen ne vijim”, ka thënë Gashi.
Më tej, ai ka treguar për rëndësinë e këtij komisioni.
“Duke pasur parasysh indicet përtej dyshimit të bazuara për abuzime të mundshme e konsiderojmë të nevojshme që të behet hetim i thelluar parlamentar. Me qellim të ushtrimit të mandatit tonë kushtetuese parlamentar theksojmë nevojën e madhe të zhvillimit të këtij hetimit, veçanërisht kur kihet parasysh faktin që rezerva shtetërore është e nivelin prioritar të sigurisë nacionale. Mënyra e menaxhimi nga qeveria dhe institucioneve tjera të sigurisë është me rendësi jetike”, ka thënë Gashi.
