Ambasadori rus në Britani, Andrei Kelin, ka thënë se Rusia nuk do të përdorë armë bërthamore në luftë me Ukrainën.
Kelin u shpreh se ka dispozita shumë strikte për përdorimin e tyre, kryesisht kur rrezikohet ekzistenca e shtetit.
“Kjo nuk ka të bëjë me operacionin aktual”, tha ambasadori rus, shkruan BBC.
Kur Vladimir Putin vendosi forcat e tij bërthamore në gatishmëri të lartë në fund të shkurtit, menjëherë pas pushtimit, ai u perceptua gjerësisht si një paralajmërim. Putin fajësoi zhvillimin e agresionit nga Perëndimi dhe NATO.
Por Sekretari i Mbrojtjes i Mbretërisë së Bashkuar, Ben Wallace e quajti atë një përpjekje për të shpërqendruar njerëzit nga çfarë po shkon keq në Ukrainë.
