SHBA-ja ka qenë një mbrojtëse e vendosur e Izraelit dhe e të drejtës së tij për të mbrojtur veten gjatë luftës së saj me Hamasin. Ajo ka vënë veton në mënyrë të përsëritur rezolutat e Këshillit të Sigurimit që bëjnë thirrje për një armëpushim, shkruan Al Jazeera.
Por administrata Biden duket se po mban një linjë më të ashpër me Izraelin kur bëhet fjalë për Bregun Perëndimor të pushtuar, ku ka pasur një rritje si në dhunën e kolonëve ashtu edhe në sulmet izraelite që nga 7 tetor.
Kombet e Bashkuara kanë dokumentuar 115 vrasje të palestinezëve në territoret e pushtuara në atë kohë.
“Ne i dënojmë këto vrasje – dhe i bëjmë thirrje Izraelit që t’i parandalojë këto sulme, duke punuar me Autoritetin Palestinez,” shkroi ambasadorja e SHBA në OKB Linda Thomas-Greenfield në X.
