Olivier Guerot, ambasadori i Francës në Kosovë, ka reaguar për sulmin në Veri ku mbeti i vrarë një pjesëtar i Policisë së Kosovës.
AI ka dënuar sulmin si dhe ka kërkuar që autorët e krimit të arrestohen e të dalin para drejtësisë.
”Sulmi ndaj policisë mbrëmë është i papranueshëm. Mendimet e mia të para janë me viktimat dhe familjet e tyre. Autorët e këtij sulmi duhet të arrestohen dhe të sillen para drejtësisë”, ka shkruar ai në Twitter.
L’attaque contre la police 🇽🇰 cette nuit est inacceptable. Mes premières pensées sont pour les victimes et leurs familles. Les auteurs de cette agression doivent être arrêtés et traduits en justice.
— Ambassadeur Olivier Guerot (@Olivier_Guerot) September 24, 2023
Më parë ka pasur reagim edhe nga ambasadori amerikan dhe ai gjerman.
Institucionet e Kosovës këtë sulm e kanë cilësuar si terrorist.
Kryeministri i Kosovës, Albin Kurti, ka shkruar se vazhdimisht i kanë bërë thirrje Serbisë që të mos sponsorizojnë sulmet terroriste.
