Këshilli Prokurorial i Kosovës dje ka votuar Blerim Isufajn për Kryeprokuror të Shtetit, mirëpo mënyra e votimit nuk iu ka pëlqyer ambasadorëve të ShBA-së e Gjermanisë, shkruan Gazeta Sinjali.
Pas ambasadorit gjerman, Jorn Rohde, ka reaguar edhe ambasadori amerikan, Jeff Hovenier.
Ai tha se fakti që anëtarët e KPK-së nuk i kanë marrë parasysh ankesat legjitime dhe rekomandimet e panelit shqyrtues bie ndesh me atë standard.
“Përfaqësuesit ndërkombëtarë, përfshirë anëtarë të Ambasadës së SHBA-së, u ftuan të marrin pjesë në procedurat e Këshillit Prokurorial të Kosovës (KPK) të 6 prillit për të zgjedhur Kryeprokurorin e ardhshëm të Shtetit. Prania jonë si vëzhgues nuk duhet të konsiderohet si miratim i procesit apo procedurës. Në disa raste Shtetet e Bashkuara shprehën pritshmëritë për procesin e përzgjedhjes së Kryeprokurorit të ardhshëm të shtetit që ne besojmë se janë të përbashkëta nga qytetarët kosovarë: të jetë e drejtë, objektiv, transparente dhe e bazuar në merita. Fakti që anëtarët e KPK-së nuk i përfillën apelet e ligjshme dhe rekomandimet e panelit shqyrtues nuk i përfillin atij standardi. Shtetet e Bashkuara nuk kishin kandidatë të preferuar dhe as nuk gjykuam kualifikimet e kandidatëve individualë. Jemi të shqetësuar se mënyra se si KPK i ka zhvilluar këto procedura ka dëmtuar besimin e publikut kosovar dhe besimin tonë në KPK si institucion publik“, ka shkruar Hovenier.
