I emëruari i Shtëpisë së Bardhë për dialogun Kosovë- Serbi, Richard Grenell, ka thënë se takimi i 27 qershorit është një mundësi që hap derën e zhvillimi ekonomik dhe investimit.

Këtë e ka bërë të ditur Ambasada amerikane në Kosovë duke njoftuar se Grenell shpreson se liderët e Kosovës dhe të Serbisë do ta kapin këtë shans për t’u rikthyer në dialog.

′′Kjo mundësi e Shtëpisë së Bardhë hap derën e zhvillimit të ri ekonomik dhe investimit. SHBA shpreson se liderët në Kosovë dhe Serbi do ta kapin këtë shans për t ‘ iu rikthyer dialogut dhe për të filluar një epokë të re stabiliteti dhe prosperiteti. Populli i këtij rajoni nuk meriton asgjë më pak”, ka deklaruar Grenell. /Gazeta Sinjali/