Portieri i Liverpool, Alisson Becker thotë se skuadra nuk do të jetë e kënaqur vetëm me fitimin e titullit të Premier Ligës këtë sezon.

Kampionët e 2019-2020 shkuan në pushimin ndërkombëtar katër pikë prapa liderit Chelsea pasi fillimi i tyre i pamposhtur i sezonit përfundoi në West Ham fundjavën e kaluar.

Megjithatë, disfata nuk i ka zbehur ambiciet e Alisson-it, me portierin brazilian që i kërkon Liverpool-it që të shfrytëzojë sa më shumë fillimet e forta në kampanjën e tyre në Ligën e Kampionëve dhe Kupën Carabao.

“Ka të bëjë më shumë se kaq, për të qenë i sinqertë. Ne duam më shumë,” tha Alisson për revistën Liverpool FC, kur u pyet nëse sezoni 2021-22 ka të bëjë me rifitimin e titullit të Premier Ligës.

“Sigurisht që ne duam të fitojmë të gjitha turnet në të cilat luajmë. Ne duam të fitojmë Ligën e Kampionëve, Premier League, FA Cup, Carabao Cup – të gjitha turnet në të cilat është e mundur të luajmë.

“Ky duhet të jetë qëllimi dhe objektivi për të gjithë për një ekip si ne. Por ne duhet ta marrim atë lojë pas ndeshje dhe duhet të jemi të fokusuar në punën tonë për të bërë 100 për qind atë që duhet të bëjmë.”

Liverpooli dukej se po arrinte formën më të mirë kur mposhti Manchester Unitedin në Old Trafford muajin e kaluar për të regjistruar një fitore të dytë radhazi 5-0 në ligë, por një barazim zhgënjyes në shtëpi ndaj Brighton pasoi përpara humbjes së tyre në stadiumin e Londrës ndaj “çekanëve”.

Skuadra e Jurgen Klopp do të kërkojë t’i rikthehet fitoreve në Premier Ligë kur të presë Arsenalin të shtunën më 20 nëntor.

Katër fitore nga katër i kanë siguruar Liverpoolit në fazën eliminatore të Ligës së Kampionëve me dy ndeshje të mbetura, ndërsa do të presin Leicesterin në çerekfinalen e Kupës Carabao muajin e ardhshëm. /Gazeta Sinjali Sporti/