image Aktakuzat ndaj ish-presidentit/ Të martën Donald Trump del para gjykatës

Botë

Aktakuzat ndaj ish-presidentit/ Të martën Donald Trump del para gjykatës

news image

Seanca gjyqësore e Donald Trump është caktuar në orën 14:15 të martën më 4 prill, sipas një zëdhënësi të gjykatës, i cili dha një deklaratë për partnerin amerikan të BBC-së, CBS.

Akuzat specifike kundër Trump nuk dihen ende, por mendohet se akuzat kanë të bëjnë me paratë që ish-presidenti ka paguar fshehurazi yllin e filmave porno Stormy Daniels, përpara se ai të zgjidhej president në vitin 2016.

Këto janë para që i paguhen dikujt në këmbim të mbajtjes sekrete të informacionit.

Në këtë rast, pagesat fshehurazi dyshohet se i janë paguar Daniels nga ish-presidenti.

Nuk është e paligjshme t’i paguash dikujt para në këmbim të një marrëveshje të fshehtë. Por meqenëse pagesa u bë një muaj para zgjedhjeve presidenciale, kritikët e Trump argumentuan se paratë mund të përbënin një shkelje të fushatës.

Prokurorët po vlerësojnë gjithashtu nëse Trump ka shkelur apo jo ligjet e financimit të fushatës, pasi pagesat janë bërë pak para zgjedhjeve presidenciale të 2016-ës, që do të ishte një krim i klasit E.

Në fillim të këtij viti, Prokurori i Qarkut të Nju Jorkut, Alvin Bragg, nisi hetimet kundër ish presidentit për paratë që ai i kishte paguar zonjës Daniels, duke caktuar një juri për mbledhjen e provave.

Nëse Trump del fajtor ai mund të dënohet me më pak se një vit burg, shërbim në komunitet ose gjobë./abcnews.al

/GazetaSinjali/