Gazeta Sinjali pak më parë raportoi për një vetaksident trafiku në rrugën nacionale Mitrovicë-Prishtinë, konkretisht në fshatin Smrekonicë.
Nga ky vetaksident është raportuar për persona të lënduar dhe dëme materiale.
Policia ka bërë të ditur se në aksident është e përfshirë vetëm një veturë e cila ishte në lëvizje, ku për shkak të mos përshtatjes së shpejtësisë së automjetit me kushtet e rrugës, vetura afër urës ka dalë nga rruga, dhe si pasojë lëndime ka pësuar shoferi i automjetit dhe pasagjeri.
Dy personat e lënduar janë dërguar në Spitalin e Vushtrrisë për tretman mjekësor, ndërsa për kujdes të mëtutjeshëm janë dërguar edhe në QKUK në Prishtinë.
