Dje Gazeta Sinjali ka raportuar se një punëtor i KEDS-it ka vdekur pas një aksidenti që përfundoi me fatalitet sepse viktima nuk arriti t’i bënte ballë lëndimeve.
Nga Policia e Kosovës bëjnë me dije se shoferi i cili e shkaktoi aksidentin në Shajkovc të Podujevës, është një i mitur.
“Raportohet se ka ndodhur aksident trafiku ku një veturë me targa vendore me drejtues të dyshuarin mashkull kosovar (i mitur) ka goditur këmbësorin, viktimën mashkull kosovar. Si pasoj e aksidentit viktima ka pësuar lëndime të rënda trupore, dhe është dërguar në QKUK, ku rreth orës 16:20 ka ndërruar jetë“, thuhet në raportin e Policisë.
Me vendim të prokurorit trupi i pajetë i viktimës dërgohet ne IML për obduksion, ndërsa i dyshuari pas intervistimit është ndaluar për 48 orë.
