Një aksident trafiku ka ndodhur mes dy automjeteve sot rreth orës 12:00 në Sibovcë të Podujevës, shkruan Gazeta Sinjali.
Si pasojë e aksidentit pesë persona kanë pësuar lëndime trupore, ku më pas të njëjtit nga plagët e marra janë dërguar për trajtim mjekësor.
Lajmin për Gazetën Sinjali e ka konfirmuar Flora Ahmeti, zëdhënëse e Policisë së rajonit të Prishtinës, e cila tha se njësia rajonale e trafikut ka dalë në vendin e ngjarjes dha ka nisur hetimet për zbardhjen e rastit.
“Sot rreth orës 12:00 në fshatin Sibovc të Podujevës, ka ndodhë një aksident trafiku, ku janë përfshirë dy automjete. Si pasojë e aksidentit pesë persona kanë pësuar lëndime trupore. Personat e lënduar janë dërguar për trajtimin e nevojshëm mjekësor. Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve të këtij aksidenti”, tha ajo.
Për aksidentin në fjalë, një sinjalizues ka dërguar pamje në adresën e Gazetës Sinjali, ku shihen veturat e aksidentuara dhe dëmet e shkaktuara.