Një aksident trafiku ka ndodhur në pasditen e sotme në Partesh, shkruan Gazeta Sinjali.
Lajmin për Gazetën Sinjali e ka bërë të ditur zëdhënësi i Policisë për rajonin e Gjilanit, Ismet Hashani, i cili tha se si pasojë e aksidentit një person ka marrë lëndime të lehta trupore, ku i njëjti është dërguar për tretman mjekësor dhe më pas është liruar.
Në aksident dyshohet se kanë qenë të përfshira një kamion dhe një veturë.
Hashani gjithashtu deklaroi se njësia policore ka dalë në vendin e ngjarjes.
