Një aksident trafiku ka ndodhur sot në rrugën Deçan-Gjakovë, në fshatin Drenoc.
Nga ky aksident në të cilin ishin të përfshirë një veturë dhe një traktor, mbetën të lënduar dy persona.
Këtë rast, e ka konfirmuar Policia e Kosovës të cilët thonë se: “Rreth orës 12:15, në rrugën Deçan – Gjakovë ka ndodhur një aksident në mes një traktori dhe veture. Si pasojë e aksidentit dy persona kanë pësuar lëndime”.
Dy të lënduarit janë në trajtim mjekësor në spitalin e Pejës dhe janë jashtë rrezikut për jetë.
