Agjencia Kosovare e Privatizimi ka urdhëruar Radio Televizionin 21 që të lirojë hapësirën e Pallatit të Mediave në të cilin kompania televizive ndodhet tash e 20 vjet.
AKP me këtë vendim ka ardhur pas kërkesës së Ministrisë së Punëve të Brendshme, e cila ka arsyetuar se hapësirat ku është e vendosur RTV 21 i nevojiten për nevojat e saj.
RTV 21 përmes një njoftimi për media ka bërë të ditur se nuk pajtohet me vendimin e AKP-së.
Gjithashtu, ka bërë të ditur se e kanë paditur agjencinë për “shkelje gjatë procedurave të likuidimit”.
“Në këtë rast RTV21 pret nga Gjyqësori vendim i cili mbron investitorin dhe nuk zhvlerëson investimet shumëvjeçare nga ana e RTV21”, tha RTV 21, në një njoftim për media.
Vendimi i AKP-së parashihte lirimin e pronave më 1 shkurt, RTV 21 ka njoftuar se ka negociuar me Ministrinë e Brendshme “me ç’rast është shtyrë vendimi për lirimin e hapësirës deri më 31 maj të këtij viti”.
Bordi i drejtorëve të Agjencisë Kosovare të Privatizimit ka marrë vendim për tërheqje të aksioneve dhe vendosje nën administrim të drejtpërdrejt të ndërmarrjes së re Agrokosova Holding (ish-Ndërmarrja Shoqërore “NBI Suhareka”).
NSH “NBI Suhareka/Agrokosova Holding” është privatizuar më 27 gusht 2007 nga blerësit “Gruppo Vinicolo Fantinel” dhe “QMI” përmes metodës së “spin off”-it special në valën e 19-të të shitjes në vlerë prej 4,175,999.00 euro.
Vendimi për kthimin nën autoritetin e AKP-së është bazuar në raportet e auditorëve të jashtëm, sipas të cilave vërtetohet qartë se blerësi dhe ndërmarrja e re Agrokosova Holding Sh.P.K. kanë bërë shkelje të rëndë të kushteve të kontratës, respektivisht nenit 6.2.2.a të Marrëveshjes së Zotimeve për shkak se as nuk kanë përmbushur zotimet për investime e as nuk kanë përmbushur zotimet për punësime.
