image Afër 10 mijë raste me grip sezonal për dy muaj, IKShPK apelon për kujdes - Sinjali

Afër 10 mijë raste me grip sezonal për dy muaj, IKShPK apelon për kujdes

news image

Instituti Kombëtar i Shëndetit Publik ka bërë apel te qytetarët për kujdes, pas rritjes së numrit të rasteve me grip sezonal. Që nga 1 tetori i këtij viti e deri më 9 dhjetor, në IKSHPK janë raportuar mbi 9 mijë e 780 raste të këtij gripi.

IKShPK ka apeluar te të gjithë drejtorët komunal të Shëndetësisë që ta ngrisin nivelin e vigjilencës dhe të raportimit të rasteve të dyshimta në të gjitha institucionet shëndetësore publike dhe private në Kosovë.

IKSHPK ka treguar si të mbroni veten dhe të tjerët:

* Mbuloni gojën dhe hundën me maskë!

* Nëse keni shenja të gripit, kërkoni menjëherë ndihmë mjekësore!

* Të redukohet numri i vizitave të familjarve tek personat e hospitalizuar (SHSKUK, Spitalet rajonale).

* Të evitohen vendet e mbyllura dhe të mbingarkuara me njerëz!

* Nëse keni shenja të gripit mbani distancë të paktën 1 metër prej njerëzve!

* Mbuloni hundën dhe gojën me faculetë në rast të kollës apo teshtitjes!

* Hidhni faculetën menjëherë pas përdorimit në shportën e mbeturinave!

* Shmangni prekjen e syve hundës apo gojës me duar të pa pastruara!

* Nëse keni shenja të gripit, mos shkoni në punë, shkollë apo vende me shumë njerëz, por qëndroni në shtëpi!

* Shmangni përqafimin, puthjen dhe shtrëngimin e duarve kur përshëndeteni!

* Pastroni rregullisht duart me ujë dhe sapun dhe dezinfektoni ambientin ku qëndroni!

* Ushqehuni shëndetshëm duke përdorë më shumë vitamina dhe bëni aktivitet fizik!

/GazetaSinjali/


Shpërndaje artikullin