Ka arritur delegacioni i Lidhjes Demokratike të Kosovës që udhëhiqet nga kryetari i saj Lumir Abdixhiku në Shtetet e Bashkuara të Amerikës.
Delegacioni i LDK-së sot pritet të zhvillojë një takim në Departamentin Amerikan të Shtetit në Uashington.
Sipas komunikatës për media, takimi i parë zyrtar i Abdixhikut është me të dërguarin amerikan për Ballkanin Perëndimor, Gabriel Escobar.
Përveç kryetarit të LDK-së, pjesë e delegacionit janë Kujtim Shala, nënkryetar i Kuvendit të Kosovës, Jehona Lushaku-Sadriu, Kryetare e Forumit të Gruas dhe Alush Gashi, anëtar i Këshillit të Përgjithshëm të LDK-së.
