image Abdixhiku: 17 tetorin do ta kujtojmë me krenari siç e kujtojmë 14 shkurtin si mësim

Politikë

Abdixhiku: 17 tetorin do ta kujtojmë me krenari siç e kujtojmë 14 shkurtin si mësim

news image

Kryetari i Lidhjes Demokratike të Kosovës, Lumir Abdixhiku, pas përfundimit të procesit zgjedhor ka uruar kandidatët e të gjitha partive për fushatën teksa ka thënë se gjatë votimit është treguar maturi, shkruan Gazeta Sinjali.

“Procesi zgjedhor përfundoj, e po përfundon edhe numërimi zyrtar i votave të fundit të rregullta e me kusht padallim.

Si vend treguam maturi demokratike, në votim, organizim e pranim të rezultateve. Një standard që e marrim si të qenë por që në thelb është vlerë. Fitues, për këtë, jemi të gjithë.

I uroj të gjithë kandidatët e të gjitha partive për fushatën e bërë; në veçanti i uroj të gjithë fituesit e deritanishëm – me shpresë shumë se do të shërbejnë me dinjitet e përkushtim ndaj secilit qytetar në komunat tona e të tyre padallim”.

Abdixhiku përmes një postimi në Facebook ka theksuar se 17 tetorin LDK-ja e kujton me krenari ashtu si 14 shkurtin si mësim.

Si LDK, 17 tetorin do ta kujtojmë me krenari; siç e kujtojmë 14 shkurtin si mësim. Njerëzit e Kosovës na vlerësojnë kur jemi të drejtë, siç na largohen kur s’jemi të tillë – dhe kjo është vlera më e mirë e demokracisë. Veprimtarët tanë i falënderoj për rezultatin e arritur. Një rikthim vërtetë i madh. Vend për mburrje, festë e garë fituesish s’ka. Mbështetja për ne s’është kundër askujt tjetër. Prandaj të punojmë për raundin e ri; e të qëndrojmë kokëulur por krenarë përballë qytetarëve tanë. Besimin e tyre duhet ta kujdestarojmë me plot kujdes si në pushtet ashtu dhe në opozitë. Politikën duhet ta shohim vetëm si përgjegjësi“, ka shkruar Abdixhiku./GazetaSinjali/