Aleanca për Ardhmërinë e Kosovës ka njoftuar se në mbledhjen e sotme të Këshillit Drejtues të kësaj partie është vendosur që të mbahen zgjedhjet e brendshme, shkruan Gazeta Sinjali.

“Në mbledhjen e sotme të Këshillit Drejtues të AAK-së, është vendosur që zgjedhjet e brendshme të mbahen prej datës 1 dhjetor 2021”, bëhet e ditur përmes një postimi në faqen zyrtare të kësaj partie.

Në këtë njoftim gjithashtu bëhet e ditur se procesi zgjedhor do të përfundoj më 1 qershor 2022 dhe do të mbahet në të gjitha nivelet dhe forumet e kësaj partie. /GazetaSinjali/