image AAK e bindur se Haradinaj do të bëhet president ose kryeministër

Politikë

AAK e bindur se Haradinaj do të bëhet president ose kryeministër

news image

Aleanca për Ardhmërinë e Kosovës (AAK) ka mbledhur strukturat e partisë një ditë pas vendimit të Gjykatës Kushtetuese ku e shpall të pavlefshme Qeverinë Hoti dhe rrjedhimisht dërgon vendin në zgjedhje të reja.

Në partinë e Ramush Haradinajt shprehen të gatshëm për organizimin e tyre, derisa theksojnë se krahas kandidaturës së Haradinajt për president, i njëjti do t’i prijë edhe garës për kryeministër.

Anëtari i kryesisë së AAK-së, njëherësh kryetari i Suharekës, Bali Muharremaj tha se në takimin e sotëm nuk do të diskutohet për listat e deputetëve, por do të jetë vetëm një takim informues.

Nuk kemi biseduar deri tash, por do të shikojmë është takim i rregullt pune… si çdo parti tjetër jemi edhe ne të gatshëm për të shkuar në zgjedhje”, tha ai.

Krahas kësaj, ai thekson se lideri i partisë, Ramush Haradinaj do të jetë ose kryeministër ose president.

Kuptohet njëra do të bëhet, tash cila do të zgjedhim njërën prej këtyre dyjave, tha ai.

/Gazeta Sinjali/