Grabitjet nëpër banka janë bërë të zakonshme viteve të fundit në Kosovë. Vetëm gjatë vitit 2018 janë raportuar 221 raste të grabitjeve, shifër kjo që për dy vitet e fundit arrin në rreth 500 raste të tilla.

Në dhjetorin e vitit të kaluar në Istog në një përleshje me armë zjarri në mes të policisë dhe hajdutëve kanë mbetur të vdekur polici Izet Demaj dhe  i dyshuar grabitësi Kamer Metaj.

E në raste të tilla, edhe nëse ndodhë grabitje, klientët nuk humbin paratë e tyre.

Kështu ka thënë Sokol Havolli, zëvendësguvernator në Bankën Qendrore të Kosovës.

‘Është e rëndësishme që këto mjete janë të siguruara, në raste të plaçkitjeve. Në rast të humbjes është banka që përmes kompanive të sigurimeve e cila e garanton çdo cent, çdo klient’’, ka sqaruar Havolli.

Havolli tutje ka deklaruar se Policia e Kosovës është angazhuar maksimalisht që këto raste të mos ndodhin më. /Gazeta Sinjali/