Nuk janë të rralla rastet kur Policia e Kosovës njoftohet nga QKUK-ja për të miturat që dërgohen në këtë institucion shëndetësor për të lindur. Një rast i tillë ka ndodhur edhe sot, pasi një e mitur shtatzënë ishte dërguar në Klinikën e Gjinekologjisë, shkruan Gazeta Sinjali.
Burimet e Sinjalit brenda QKUK-së kanë bërë të ditur se e mitura është në muajin e tetë të shtatzënisë dhe është duke u trajtuar në Gjinekologji.
Sipas këtyre burimeve, e mitura shtatzënë është e lindur në vitin 2005, raporton Sinjali.
Lajmin për Sinjalin e kanë konfirmuar edhe nga Policia e Kosovës.
Në përgjigjen e Policisë thuhet se “këtë informacion e kanë pranuar gjatë ditës dhe të njëjtin po e trajtojnë në koordinim me organet kompetente.”
