Shërbimi Spitalor, Klinik Universitar i Kosovës (SHSKUK) njoftoi të premten se në klinikat e QKUK-së dhe në spitalet rajonale të vendit janë duke u trajtuar për COVID-19 gjithsej 226 pacientë, shkruan Gazeta Sinjali.

Prej tyre, 147 pacientë janë të konfirmuar pozitivë me këtë virus.

Në njoftimin e Ministrisë së Shëndetësisë thuhet se tre pacientë janë të vendosur në respiratorë, 16 në makinat e frymëmarrjes CPAP, ndërsa 140 të tjerë po trajtohen me oksigjenoterapi.

Gjatë 24 orëve të fundit, në Kosovë janë shënuar edhe 169 raste të reja me koronavirus, 85 pacientë janë shëruar, ndërsa janë raportuar dy raste të vdekjes. /Gazeta Sinjali/