Kryetari i Aleancës për Ardhmërinë e Kosovës (AAK), Ramush Haradinaj i ka shprehur ngushëllime familjes Krasniqi nga Rahovica e Ferizajt, e cila humbi katër anëtarë të saj në aksidentin tragjik që ndodhi në Gjermani.

Haradinaj javën që lamë pas e ka quajtur të rëndë për shqiptarët.

“Javë e rëndë për shqiptarët. I trishtë lajmi për rastin tjetër tragjik ku humbën jetën katër anëtarë të familjes Krasniqi nga Rahovica e Ferizajt, gjatë kthimit nga vendlindja. I shpreh ngushëllimet më të sinqerta familjes Krasniqi dhe të gjithë qytetarëve të Ferizajt!”, ka shkruar Haradinaj në Facebook. /Gazeta Sinjali/