Kryetari i Listës Serbe, Goran Rakiq, gjatë fjalimit të tij në takimin e grupeve parlamentare me presidentin e Kosovës, Hashim Thaçi, nuk i është drejtuar këtij të fundit me fjalën president.

Në momentin kur presidenti Thaçi ia dha fjalën për të shprehur qëndrimin e tij lidhur me formimin e qeverisë së re ose shkuarjes në zgjedhje të reja, Goran Rakiq nuk e ka përshëndetur këtë të fundit me fjalën president sikurse kanë bërë pjesëmarrësit tjerë të partive parlamentare në takim.

“Dua të përkujtoj se Serbia nuk është vend armik dhe i askujt dhe dëshiron bashkëpunim me të gjithë. Sa i përket qëndrimit të Listës Serbe, ne do të jemi konstruktivë. Ne nuk jemi për zgjedhje të reja gjatë pandemisë me COVID-19 dhe mendoj se duhet të qëndrojmë së bashku në këtë luftë kundër virusit pasi na presin momente shumë të vështira ekonomike. Përsëris, nuk jemi për zgjedhje të reja dhe do të jemi konstruktivë dhe do të marrim pjesë në mbështetjen e institucioneve”, ka thënë Rakiq.

Kujtojmë se Lista Serbe ka mbështetjen e Serbisë dhe të presidentit Aleksandar Vuçiq, i cili i ka mbështetur gjatë zgjedhjeve të fundit parlamentare më 6 tetor./GazetaSinjali/