Gjatë ditës së sotme ka ndodhur një përleshje me armë zjarri dhe sopatë në mes të rrugës në Veternik, në Prishtinë. Sinjali mëson se i përfshirë aty ishte një zyrtar policor.
Burime të Sinjalit bëjnë me dije se i përfshirë në incidentin në Veternik është një zyrtar i Policisë së Kosovës.
I njëjti para se të përballet me qytetarin që në pamje shihet me një sopatë në dorë, rezulton se ka telefonuar në stacionin policor të jugut dhe ka denoncuar mosbindjen e qytetarit ndaj kërkesave të tij.
Ndërsa qytetari tjetër i përfshirë në këtë përleshje po ashtu e kishte denoncuar rastin në Inspektoriatin Policor të Kosovës.
Nga Policia e Kosovës ende nuk kanë dhënë informacione lidhur me këtë rast.