Një zjarr fushor ka shpërthyer mes fshatrave Mirash dhe Sazli, duke alarmuar autoritetet lokale në Ferizaj.
Rastin e ka konfirmuar zëdhënësi i Policisë për Rajonin e Ferizajt, Kanun Veseli, i cili bëri të ditur se ekipet e zjarrfikësve kanë dalë në vendin e ngjarjes dhe janë duke punuar për shuarjen e flakëve.
“Ju njoftojmë se sot, më 19 korrik 2025, rreth orës 12:15, kemi pranuar një informacion nga Njësia e Zjarrfikësve se është raportuar një zjarr fushor në mes të fshatrave Mirash dhe Sazli. Menjëherë pas pranimit të informacionit, dy ekipe të zjarrfikësve kanë dalë në vendin e ngjarjes dhe janë duke punuar intensivisht për shuarjen e zjarrit”, deklaroi Veseli.
Sinjali – aty ku e vërteta flet para lajmit!