Një person është zhdukur në Fushë Kosovë që nga mbrëmë rreth orës 23:00, raporton Gazeta Sinjali.
Personi është i mitur, ndërsa nëna e tij, ka njoftuar se që nga mbrëmë nuk di asgjë për djalin e saj.
Kontaktet e fundit të saj me djalin i ka realizuar përmes rrjetit social Snapchat më 30 mars 2025, rreth orës 00:30, dhe që nga ajo kohë nuk ka pasur asnjë kontakt të mëtejshëm.
Nëna e tij, e ka kërkuar djalin e saj tek familjarët, por nuk ka mundur ta gjejë askund.
Policia është njoftuar për këtë rast dhe ka nisur hetimet për zbardhjen e zhdukjes.
Prokurori ka udhëzuar që rasti të trajtohet si “Person i zhdukur”.
Policia është angazhuar për kërkimin dhe gjetjen e të miturit.